Erabakita daude Amurriock lehiaketako finalerdiak

Izar Mendiguren Cosgaya 2019ko maiatzaren 30a

8 talde sailkatu dira finalerdira. / Aiaraldea.eus

56 taldetik 8 igaro dira Amurriock lehiaketako finalerdietara. Burubio kultur elkartean izango dira sailkapen kontzertuak datozen bi ostiraletan.

Bukatu da Amurriock txapelketako lehen fasea. Apirilean aurkeztu zuten egitasmoa eta, Egoitz Palaciosek Aiaraldea Hedabideari adierazi dionez, 56 taldek eman dute izena. Hainbat estilotan lehiatu dira, eta hautaketa fasea bukatu berri dute. Hala, erabakita daude finalerdietan lehiatuko diren taldeak.

Estiloen arabera bereizi dituzte kategoriak aurten ere, 2 modalitatetan hain zuzen: pop eta beste estiloak eta rock zein metala. Maiatzaren 31n izango da pop eta beste estiloetako finalerdia, 22:00etatik aurrera. Hala, Samoah, Tara, Sonic Free Station eta The Ibantxo Solo project oholtzaratuko dira.

Ekainaren 7an, berriz, rock eta metal doinuen txanda izango da. 21:00etan hasiko dira kontzertu horiek: Desore, Alerta, Rodeo eta Striknina. Kontzertu guztiak doakoak izango dira, eta ordu erdi lehenago zabalduko dituzte aretoko ateak.

Finalerdietara sailkatutako taldeak
Ondorengoak dira finalaurrekoetara igaro diren taldeak, eta euren lanetako batzuk:

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide