"Bañueta auzoan Gizarte Etxea izatea lortu dugu", adierazi du Jon Gerrero kideak. Horretarako lokala alokatu dute, kultura ikastaroak egiteko asmoz. Xakearena izango da lehenbizikoa, baina bestelako jarduerak ere lotu dituzte dagoeneko. Ekainaren 22an, esaterako, lehen sorospenak nola egin ikasiko dute bertaratzen direnek.
Bizilagunen eskaerei ere erantzun nahi diote aretoarekin: "Urtean zehar hainbat ekitaldi egingo ditugu, auzokideek eskatutakoak edo bestelakoak: urtebetetze festak, bilerak egiteko tokia jarriko dugu, euskaraz lasai hitz egiteko mintzalagun gunea, gazteek lasai ikasteko... Tokieder tabernaren alboan dago lokala".
Harremanetan jartzeko edota informazioa jasotzeko bertatik pasatzeko gonbita luzatu diete herritarrei.
Aurkezpen jaia
Ekainaren 22an, uda hasierarekin batera ospatuko dute egoitzaren inaugurazioa: "Jaia antolatuko dugu afaritxo batekin. Gure proiektua martxan jartzeko lehen suziria izango da".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
