aiaraldea.eus

Sagar itxurako iturri berria jarri dute Juan Urrutia plazan

Erabiltzailearen aurpegia Izar Mendiguren Cosgaya   Jendartea  Amurrio

Guillermo Trujillano Agirre artistak egin du iturria. 

Sagar itxurako iturri berria jarri dute Juan Urrutia plazan
Juan Urrutia plazan kokatu dute iturria. / Amurrioko Udala | Ikusi handiago | Argazki originala

Iturri berria ipini dute Amurrioko plazan. Guillermo Trujillano Agirre herritarrari enkargatu diote lana, eta harriz eta brontzez osatu du azpiegitura. "Amurrioko Juan Urrutia parkeak, harriz eta brontzez egindako sagar itxurako beste iturri bat dauka joan den astetik. Egileak, Guillermo Trujillano Agirre amurrioarrak, Amurrioko Udalari oparitu zion artelana, Debako Arte Eskolan ikasten ari zela", adierazi du Udalak prentsa oharrean.

Sormenaren iturria Oteizak bultzatutako Arte eskolako ariketa batean dago, egileak aitortu duenez. "Amaitu ondoren, eta Bartzelonan Arte Eder ikasketak hasi aurretik, Udalari oparitzea erabaki zuen", erantsi du tokiko erakundeak.

Iragan astean jarri zuten martxan iturria, Trujillano Amurriora itzuli zenean. Obrak 300 kilo ditu, oinarria harriz osatua dago, eta sagarraren hostoa zein buztana ditu irudikatuta brontzearekin. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa