aiaraldea.eus

Sorpresa ugari egongo dira Garrastatxuko Askatasun Mendi Martxaren 3. edizioan

Erabiltzailearen aurpegia Erredakzioa   Kultura  Amurrio  Amurrio: Baranbio

Bi zozketa egingo dituzte. Ibilbide luzea (30 km) eta laburra (10km) egongo dira.

Sorpresa ugari egongo dira Garrastatxuko Askatasun Mendi Martxaren 3. edizioan
Ahuntz Egunaren testuinguruan egingo dute martxa. / Aiaraldea.eus | Ikusi handiago | Argazki originala

Datorren igandean -ekainak 16- egingo dute elkartasun ekimena, Ahuntz Egunaren testuinguruan, “Elkartasuna bidea, askatasuna helburu!” lemapean. Bi ibilbide egongo dira: 30 kilometrokoa eta 10 kilometrokoa. Lehenean parte hartzera animatzen direnak 7:30ean izango dute zita. Bigarrenera gerturatzen direnak, aldiz, ordubete beranduago aterako dira.

Zozketak
Bi zozketa egingo dituzte martxaren ostean. Lehen zozketa ibilaldian parte hartzen duten pertsonen artean egingo dute.

Bigarrenerako, aldiz, txartelak jarriko dituzte salgai, euro baten truke. Lehen saria GPSa duen erloju bat izango da, bigarrena makila eta ura eramateko gerrikoa eta bi masajeko saioa, aldiz, hirugarrena. Facebooken eta salmenta puntuetan iragarriko dituzte irabazleak.

Ahuntz Egunaren testuinguruan egingo dute martxa. Hau da eguneko egitaraua:

7:30 // Mendi martxa luzea (30 km)
8:15 // Ahuntzen XIII. Lehiaketa.
8:15 // Ahuntz azienden feria (arraza guztiak).
8:30 // Mendi martxa motza (10km.)
12:00 // Meza Garrastatxuko Santutegian
13:30 // Akerkoen pisatzea
14:15 // Ahuntzen XIII. Lehiaketaren sari-banaketa
14:45 // Herri bazkaria*
17:00 // Erromeria

*Bazkarirako tiketak ondorengo lekutan erosi daitezke Ekainak 10 baino lehen: Baranbioko Administrazio Batzarrean, Garrastatxuko txosnan

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa