Amurrioko Udalak hondartzarako bidaia kanpaina jarri du martxan beste urte batez. Irteerak uztailean zehar egingo dira, eta biztanleen artean udako aisialdia bultzatzea izango da helburua. Horretarako, bost irteera programatu dira, datorren hileko astearte guztietan egingo direnak:
- Uztailaren 2an: Hondarribia
- Uztailaren 9an: Santander
- Uztailaren 16an: Donostia
- Uztailaren 23an: Donibane Lohizune
- Uztailaren 3an: Zarautz
Autobuserako txartelak Kultur etxean eskuratu ahal izango dira, irteera egunaren aurreko ostiralera arte. 14 urtetik gorakoentzako prezioa 8 eurokoa izango da bidaia bakoitzerako, eta 14 urtetik beherakoek 6 euro ordaindu beharko dute. Amurrion erroldatuta ez daudenek 5 euro gehiago ordaindu beharko dute.
Irteera goizeko bederatzietan izango da Araba kalean, Amurrio Antzokitik gertu. 20:00etan izango da itzulera egun guztietan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
