Bi adingabe atxilotu ditu Ertzaintzak Amurrion, indarkeria erabilita lapurreta bat egitea egotzita. Poliziak azaldu duenez, Amurrioko tren geltokian jazo zen gertaera iragan ekainaren 11an. Bi gaztek emakume bati mugikorra lapurtu zioten. Batek lepotik heldu eta sakelakoa kendu zion. Lekukoek bi gazteak jarraitu zituzten eta hauek, ihes egiten ari zirela, lurrera bota zuten telefonoa.
Ertzaintza ikerketa abiatu zuen gertatutakoa argitzeko eta atzo goizean atxilotu zuten lehen adingabea (lapurreta egin omen zuena). Beste gaztea, aldiz, gaur atxilotu dute, besteari laguntzea leporatuta. Laudioko Ertzain etxera eraman dituzte lehenbizi, eta Adingabeen Fiskaltzaren esku geratu dira jarraian.
Iragan astean jazo zen lapurreta, Amurrioko tren geltokian. Gazteetako batek emakume bati lepotik heldu eta sakelakoa kendu zion, poliziaren arabera.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide