aiaraldea.eus

Bi adingabe atxilotu dituzte Amurrion, indarkeria erabiliz lapurreta egitea egotzita

Erabiltzailearen aurpegia Erredakzioa   Jendartea  Amurrio

Iragan astean jazo zen lapurreta, Amurrioko tren geltokian. Gazteetako batek emakume bati lepotik heldu eta sakelakoa kendu zion, poliziaren arabera.

Bi adingabe atxilotu dituzte Amurrion, indarkeria erabiliz lapurreta egitea egotzita
Tren geltokian jazo zen lapurreta, iragan astean. / Aiaraldea.eus | Ikusi handiago | Argazki originala

Bi adingabe atxilotu ditu Ertzaintzak Amurrion, indarkeria erabilita lapurreta bat egitea egotzita. Poliziak azaldu duenez, Amurrioko tren geltokian jazo zen gertaera iragan ekainaren 11an. Bi gaztek emakume bati mugikorra lapurtu zioten. Batek lepotik heldu eta sakelakoa kendu zion. Lekukoek bi gazteak jarraitu zituzten eta hauek, ihes egiten ari zirela, lurrera bota zuten telefonoa.

Ertzaintza ikerketa abiatu zuen gertatutakoa argitzeko eta atzo goizean atxilotu zuten lehen adingabea (lapurreta egin omen zuena). Beste gaztea, aldiz, gaur atxilotu dute, besteari laguntzea leporatuta. Laudioko Ertzain etxera eraman dituzte lehenbizi, eta  Adingabeen Fiskaltzaren esku geratu dira jarraian.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa