Orotariko ekintzak egongo dira Tertangako jaietan

Adin guztientzat ekitaldiak antolatu ditu Jai Batzordeak aurten ere. / Aiaraldea.eus

Asteburuan izango dira ekintza gehienak. Tximeleta taldearen kontzertua egongo da ostiralean, besteak beste.

Ate joka daude Tertangako jaiak. Atzo hasi ziren festak, Kristobal Deunaren omenezko ospakizunekin. Hain zuzen, 11:00etan  zuten txupina, kanpai errepika, suziri eta guzti. Mezaren ondoren, trikitilariak zein buruhandiak bildu ziren enparantza inguruetan. Arratsaldean, berriz, etxez etxe ibili ziren trikiti doinuez girotzen. 18:00etan, ostera, umeentzako jolasak egon ziren frontoian Urtxintxa Eskolakoen eskutik. Gaur, ordea, meza, janaurrekoa eta herrikoen bolo jokaldia izango dira nagusi.

Asteburuko ekitaldiak
Ostiralean izango da musikaren txanda. 22:30ean irekiko dute txosna pilotalekuan, 23:30ean hasteko musika jaialdia. Zehatz mehatz, Tximeleta taldea eta Karrifest izango dira gaueko erreginak.

Larunbatean, aldiz, XXVI. Mus Txapelketa jokatuko da. 16:30ean zabalduko dute izen-ematea, 15 euroren truke. Sariak ondorengoak izango dira: irabazleentzat txapela bana eta bildutako diruaren %50a, bigarrenentzat botila sorta eta jasotakoaren %20a eta hirugarrenentzat botila sorta eta lortutako sosen %10a.

Arrastariako herritarrentzako afari herrikoiarekin bukatuko dira festak, 20:30ean. Jai Batzordeak erantsi duenez, gainera, ez da musikarik faltako.

Erlazionatuak

Akerbeltzekin eta mus txapelketarekin amaitu ziren Tertangako jaiak

Amurrio Tertanga

Iragan asteburuan amaitu ziren Tertangako jaiak. Ostiral gauean jende ugari bertaratu zen herrira, Akerbeltz erromeriak girotutako gauaz gozatzera....

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide