Hiru ibilbide egon dira. 31,5 kilometroko ibilbidean Jon Vegas Lopez de Uralde korrikalaria gailendu da gizonezkoen artean eta Beatriz Delgado Herrero emakumezkoen artean. 21,5 kilometroko proban Xabi Vegas izan da gizon azkarrena eta Onditz Iturbe Arginzoniz izan da helmugaratu den lehen emakumea.
12 kilometroko lasterketan Cristina Valverde Muñoz izan da emakumezko bizkorrena eta Iñaki Hormaetxe Eguren gailendu da kategoria absolutuan.
Aiaraldearren markak
Eskualdeko kirolari ugarik hartu dute parte trailean, eta horietako batzuk marka esanguratsuak lortu dituzte. Jose Angel Cantero Garcia laudioarra eta Iratxe Luengas Gardeazabal hirugarren eta bigarren postuan geratu dira -hurrenez hurren- 12 kilometroko norgehiagokan, euren kategorietan.
21,5 kilometroko proban ere nabarmendu dira aiaraldearrak. Joseba Urbano Santin orozkoarrak eta Josu Apraiz Etxezarraga laudioarrak bigarren eta laugarren postuak erdietsi dituzte. Mariñe Izaola Arenas eta Izaskun Larrinaga Saiz laudioarrak, aldiz, bigarren eta hirugarren postuan geratu dira, hurrenez hurren.
Josu Bengoetxea Duñabeitia orozkoarra, bere aldetik, laugarren geratu da 31,5 kilometroko proban.
Hemen ikusi daitezke 12 kilometroko lasterketaren sailkapen guztiak, hemen 21,5 kilometrokoarenak eta hemen 31,5 kilometrokoarenak.