Amurrioko Udalak jai ez sexistak sustatzeko kanpaina abiatu du

Erabiltzailearen aurpegia
Udal ordezkari zein politikoek babestu dute eraso sexisten aurkako kanpaina./ Aiaraldea.eus

Berdintasun Sailak zenbait jarduera bultzatu ditu, prebenitzeko, informazioa emateko eta gazteenak sentsibilizatzeko. Larrinagako oinezkoen inguruak indarkeria matxistarik gabeko Beldur Barik Gunea jasoko du abuztuaren 12an eta 14an eta barraken artean 116 musika ez sexistako zerrenda banatuko dute.

Amurrioko Udaleko Berdintasun Sailak jai ez sexisten eta berdintasunean oinarritatutakoen aldeko kanpaina prestatu du, indarkeria matxistaren prebentziorako eta identifikaziorako eta jaietako eta aisiako testuinguruetan pertsona guztien errespeturako eta bizikidetzarako kontzientziaziora zuzendutako jarduerekin.

Kanpaina, jaietan parte hartzen duten gazteengan zentratuko da. Informaziorako eta kontzientziaziorako Beldur Barik Gunea izango dute eurentzat, eta baita preserbatiboaren erabilera sustatzeko Gehitu kanpaina ere. Horrez gain, umeei bideratutako familia antzerkia ere programatu da, ipuin herrikoien bitartez errespetua eta bizikidetza lantzeko.
 
“Amurrioko jaietan udalak indarkeria matxistaren kontrako borrokarekin duen konpromisoari eusten dio, eta horretarako ezinbestekoak dira prebentzioa eta gure neska gazteen ahalduntzea. Hori dela eta, aurrera jarraituko dugu informazioa, prestakuntza eta sentsibilizazioa ekarriko duten kanpainak garatzen, indarkeria matxistaren agerpen guztien aurrean zero tolerantzia erakutsiko duen gizarte kontzientzia sortzeko”, azaldu du Estíbaliz Sasiain Berdintasun zinegotziak.

Horretarako, Berdintasun Sailetik, herriko jaietan hiru jarduera egitea proposatu da:
 
1-Sexualitatea modu librean, positiboan eta seguruan bizitzea sustatuko duen eraso sexistarik gabeko Beldur Barik Gunea. Horrez gain, neskak leku horretara joan ahal izango dira, behar dituzten baliabideak eta informazioa bilatzeko edo konpartitzeko.


Standa Larrinaga kalean egongo da abuztuaren 12an eta 14an, 19:00etatik 22:00etara eta 21:00etatik 24:00etara, hurrenez hurren. Gune horretan, Berdintasun Sailetik egin diren informazio liburuxkak, pegatinak, txapak, eskumuturrekoak eta poltsak egongo dira eskuragai.

2-Preserbatiboaren erabilera sustatzeko Gehituren kanpaina. Jaietako egun guztietan aurrera eramango den kanpainan, osasunari eta prebentzioari buruzko informazioa duten liburuxketan bilduta egongo diren preserbatiboak banatuko dira. Banaketa txosnetan eta jai guneetan egingo da.  

3-“Kalean otso, etxean uso” familia antzerkia. 2 urtetik aurrerako umeei zuzenduta eta ezustez eta irudimenez beteta egongo den antzezlan horren bitartez, Patata Tropikala antzerki konpainiak hainbat ipuin herrikoi uztartuko ditu, errespetua eta bizikidetza modu dibertigarrian eta pedagogikoan lantzeko. Antzezlana abuztuaren 17an eskainiko da, 19:00etan, San Antongo Merkatuan.


Playlist
Berdintasun sailak antolatu dituen jarduerekin batera, musika ez sexista entzuteko barraken artean banatuko den 116 abestiz osatutako zerrenda prestatu da.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide