Hasi dira Reforreko erabilera anitzeko futbol zelaia eraikitzeko lanak

Erabiltzailearen aurpegia
Reforreko kirol zelaia berrituko du Udalak. /Amurrioko Udala

Argiztapena, kirol ekipamendua eta drainatze eta ur ebakuazio sistema berriztatuko dira, eta baita ureztaketa sistema ere.

Amurriok aste honetan hasi ditu El Refor-eko belar artifizialeko zelai berria eraikitzeko lanak. Bertan, errugbi, futbol 11 eta futbol 7 norgehiagokak jaso ahal izango dira. Lanak 4 hilabetez luzatuko dira.

Belar artifizialeko zelai berriak 126x75 metro izango ditu, eta horrek futbol eta errugbi norgehiagokak jokatzeko aukera ematen du. Kirol instalazio berriaren azalerak errugbi zelai bat, futbol 11ko bat eta futbol 7ko bi jasoko ditu, azken horiek zeharka.
Erabilera anitzeko zelai berriaren eraikuntzak drainatze eta ur ebakuazio sistema perimetrala izango du, bandan eta lur azpiko kolektore sarean ura biltzeko dauden kanaleten bitartez euri ura eta ureztaketatik soberan geratzen dena, ura berrerabiltzeko aukera emango duen depositu batera eramateko, kirol instalazioaren ureztaketa automatiko sistema hornitzeko.

Futbol zelaiaren perimetroak 3 metroko zabalerako espaloia izango du, eta argiztapen berria 18 metroko altuera duten lau dorrek osatuko dute. Kirol ekipamendua ere berriztatuko da, errugbi ate egonkorrekin, eta ate mugikorrak egongo dira futbol 11ko eta futbol 7ko zelaietarako. Aulkiak ere berriztatuko dira.

Futbol zelai berriaren eraikuntzak 833.614 euroko inbertsioa eskatuko du, eta Foru Planaren 600.719 euroko diru-laguntza izango du. Obrak lau hilabetetan egingo direla aurreikusten da.

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide