Jende andana batu da nola udaletxe barruan hala kanpoan jaietako txupinazoa ikusteko. Aurtengo pregoia Aiara Dantza Taldeak sortu du, 35. urteurrena bete baitute. Hain zuzen, kide guztiei eskerrak eman dizkie elkarteak. "Hasi dadila festa, hasi dadila sei eguneko dantza!" mezuarekin bukatu du Iraia Aspuru ordezkariak hitzartzea. Ugarte Otxote taldeak kantu batekin omendu ditu dantzariak.
Josune Irabien alkateak "jai zoriontsuak" eta "errespetuzkoak" opatu dizkie amurrioarrei. Zentzu horretan, eraso eta jarrera matxistarik gabeko egunak izatea espero duela adierazi du. Jai koadrilen ordezkariei "banda" jarri diete segidan, eta talde argazkia atera dute.
19:00etan ekin diote Iguarrakoa udaletxera hurbiltzeari. Festetako zapia jantzi dio alkateak, eta suziria jaurti dute ondoren. Plazan zeuden jai koadrilek eserialdia egin dute, "Gora jai herrikoiak" afitxak eskutan.
Argazkiak: Izar Mendiguren Cosgaya eta Txabi Alvarado Bañares
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide