10:30ean izan da lehenbiziko ekitaldia, udaletxean. Udalbatza aretoa elkartasunez bete da, 30 bat lagun bertaratu baitira omenaldira. Batetik, uda Amurrion igaroko duten haurrak; eta, bestetik, bertako harrera familiak. Hala, Josune Irabien alkateak ongietorria eman die; eta kamiseta bana oparitu diete oroigarri gisa. Iguarrakoa ikustera balkoira atera ostean, edadetuen txanda iritsi da.
Juanita Zarraga eta Felipe Landaluzek jaso dute "agintearen makila" eta lore sorta, edadetuei eginiko omenaldian. Ondoren, trikitilariekin lagunduta mezara abiatu dira. Nola Zarragak hala Landaluzek pozez jaso dute ekitaldia. Zarragak azaldu duenez, oso garrantzitsua eta berezia da eurentzat gaurko eguna: "zazpietan altxatu naiz garbitu eta dotore-dotore jartzera. Edozein sari baino hobeak dira zuen musuak".
Orotariko ekitaldiak egongo dira festen bigarren egunean. Goizean zehar haurren jolas parkea egongo da, eta eguerdian bazkaria. Bestalde, "egun feminista" antolatu du lehenbiziko aldiz Otsemeak taldeak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide