Programatutako jarduerek izan duten partaidetza handia eta giro bikaina azpimarratu behar dira Amurrioko jaietatik

Erabiltzailearen aurpegia
Atzo egin zuten jaien balorazioa egiteko prentsaurrekoa. / Amurrio Jaietan

Jaiz betetako sei egunen ondoren, Udalak herriko jaien balantze positiboa egin du. Iaz ez bezala, eguraldia ere alde izan dugu. Eguneko jardueretan eta gauetarako programatutako kontzertuetan eta musika emanaldietan jai giroa izan da nagusi.

Amurrioko alkateak modu positiboan baloratu ditu Amurrioko jaiak. “Beste urte batez, amurrioarrok gure jaiei etekina ateratzen jakin dugu, eta azken minutura arte gozatu ditugu. Azpimarragarria da jende guztia gogobetetzeko pentsatuta egon diren jarduerek izan duten partaidetza, eta horri esker, gure udalerriko txoko guztiek indar osoz bizi izan dituzte jaiak. Urtero bezala, une berezienetakoa, jende gehien bildu duenetakoa, txupinazoa izan da, eta baita kontzertuak eta musika hitzorduak eta karroza desfilea ere. Ezinbesteko hitzorduak herritar guztientzat”, azaldu du Josune Irabien alkateak.

Jaiak prestatzea ez da lan erraza, eta arrakasta, guztien partaidetzan eta errespetuan eta bizikidetzan oinarritzeaz gain, Udalaren eta herriko elkarteen eta koadrilen arteko lankidetzan eta lanean dago. “Eskerrak eman nahi dizkiet jarduera bakoitzaren antolakuntzaren atzean egon diren pertsona guztiei, horrek eskatzen duen konpromisoarengatik eta duen garrantziarengatik, sei egunetan ehun jarduera inguru gauzatu ahal izateko. Esker on hori koadriletara ere zabaldu nahi dut, urtero bezala jai giroa animatzen lagundu dute eta”.

Amaitzeko, jaietan arazo garrantzitsurik egon ez izana ere azpimarratu behar da. Izan ere, Amurrioarrek, beste behin, “errespetu, bizikidetza eta tolerantzia eredu direla erakutsi dute, jai giro bikaina lortzen lagunduz”.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide