aiaraldea.eus

"Andra Mari Txiki Saria", txirrindulari gazteen erakustaldi

Erabiltzailearen aurpegia Izar Mendiguren Cosgaya   Kirola  Amurrio  Amurrio: Baranbio

Irailaren 7an izango da Andra Mari Txiki saria. Lehenbizikoz antolatu dute Baranbion junior mailako proba. Arabako txapelketarako lasterketa puntuagarria izango da.

"Andra Mari Txiki Saria", txirrindulari gazteen erakustaldi
Baranbio izango du irteera eta helmuga puntu lasterketak. / Aiaraldea.eus | Ikusi handiago | Argazki originala

Kuskumendi bizikleta taldeak antolatuta, Andra Mari Txiki Saria jokatuko da datorren larunbatean Baranbion. “Garrastatxuko igoera” izango dute helburu. 16:00etan abiatuko dira txirrindulariak Baranbioko elizaren aldamenetik, eta Lezama inguruetan bost itzuli eman ostean Garrastatxuko ermitan bukatu beharko dute proba. 

Iñaki Pinedo Marigorta Kuskumendi taldeko kideak Aiaraldea hedabideari adierazi dionez, aurrenekoz antolatu dute lasterketa: “Zuian egitekoa zen, baina aldaketak medio hemen antolatuko dugu. Arabako txapelketaren barruan kokatzen da norgehiagoka”. Hori dela eta, Arabako gazteen txirrindulari talde ugarik hartuko dute parte. Hala ere, kanpotik ere taldeak bertaratuko direla uste du Pinedo Marigortak, Aragoi eta Asturiasetik kasu: "junior kategoriakoak izango dira denak”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa