Bi gizonezko atxilotu dituzte Amurrion etxe batean lapurtzeagatik eta barruan zegoen pertsona erasotzeagatik

Erredakzioa 2019ko irailaren 6a

Asteartean gertatu zen lapurreta eta erasoa eta Ertzaintzak bere gain hartu zuen kasua./ Aiaraldea.eus

Atxilotuetako bat espetxean sartu dute jadanik. Biek dituzte aurrekariak. Asteartean jazo zen gertakaria.

Asteartean bi gizonezko Amurrioko etxe batean sartu ziren lapurtzeko. Etxebizitza miatu zuten eta baliozko objektuak zein dirua eraman zituzten. Edonola ere, goiko solairuan zegoen bertan bizi den gazte bat, eta harekin topo egitean, lapurrek eraso zuten eta, ondorioz, ospitalean artatu behar izan zuten, esku batean zauritu baitzuten.

Gaztearen adierazpenei esker, Ertzaintzak egun horretan bertan atxilotu zuen ustezko lapur bat: 42 urtekoa da, 17 aldiz arrastatua aurretik, gehienetan ondarearen kontrako delituak leporatuta. Horrez gain, poliziak jakinarazi du gizonezkoaren aurka Alicanteko epaitegietako bi atxiloketa-agindu daudela, eta kanporatzeko eta Schengen lurraldean sartzea debekatzen dion espediente bat duela irekirik.

Atzo eguerdian atxilotu zuten lapurretaren beste susmagarria. 36 urteko gizonezkoa da eta aurrekariak ere baditu.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide