aiaraldea.eus

Amurrioko Udalak merkatariei eta ostalariei bideratutako euskara ikastaroa abiatu du

Erabiltzailearen aurpegia Amurrioko Udala   Euskara  Amurrio

Edozein establezimendutan gehien erabiltzen diren euskarazko esamoldeen eta adierazpideen inguruko trebeziak eta ezagutzak zabalduko dira.

Amurrioko Udalak merkatariei eta ostalariei bideratutako euskara ikastaroa abiatu du
Hainbat kanpaina egin dituzte orain arte merkataritzan euskara sustatzeko. | Ikusi handiago | Argazki originala

Amurrioko Udalak eremu guztietan euskara bultzatzea bilatzen du. Hori dela eta, AEKrekin batera, merkataritzan eta ostalaritzan lan egiten duten pertsonei zuzendutako oinarrizko euskara ikastaroa jarri du martxan, eskaintzen duten zerbitzuaren kalitatea hobetzeko xedez.

Prestakuntza horren bitartez, partaideek zenbait esamolde eta adierazpide ikasiko dituzte, bezeroengana zuzentzeko, hizkuntzaren erabateko kontrola izan behar gabe.

Udalak finantzatuko duen ikastaroak 17 orduko iraupena izango du, eta urriaren 14tik azaroaren 20ra luzatuko da, astean bi egunez, izena ematen duten pertsonen ordutegi aldeko prestasunaren arabera zehaztu beharreko ordubete eta erdiko saioetan.

Urriaren 7ra arte eman ahal izango da izena, 662303756 telefono zenbakira deituz edo irabazieuskararekin@gmail.com helbidera mezu elektronikoa bidaliz.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa