Urtaro aldaketa ospatuko dute auzoko jaiekin batera Bañuetan. "Badakigu iraila ez dela zuen hilabeterik gogokoena, baina urtero lez Bañuetan udari amaiera eta kurtso berriari hasiera ona emateko gogoekin gatoz", adierazi dute sare sozialetan.
Irailaren 27an eta 28an makina bat jarduera antolatu dituzte; jai tematikoa, besteak beste: "Joan 80ko hamarkadako arropa zaharra kamarotetik jaisten, bertan itxarongo zaituztegu dantzan egiteko prest!". Ostiralean 19:00etan hasiko dira festak, eta Aiara Dantza Taldearen erakustaldia, batukada eta kontzertuak izango dira protagonista nagusi.
Larunbatean, aldiz, goizean pilatuko dituzte kirol jarduerak: mendi irteera, txirrindularitza lasterketa eta irristaketa zein motor klasikoen bigarren erakustaldia, kasu. Gastronomiak ere izango du tartea: patata tortilla txapelketa antolatu baitute 11:00etan. 13:00etan, berriz, Artziniegako Bizindar taldeko lagunekin herri kirolak eskainiko dituzte. 4 euroren truke osatu dute herri bazkaria, auzokide guztiak elkartzeko helburuarekin. Paella eta postrea izango dira menua. "Hementxe duzue aurtengo kartela, zuen aktibitate gustokoenekin eta zenbait ekintza berrirekin elkarrekin ondo pasatzeko irrikitan gaude".
EGITARAU OSOA
Irailak 27, ostirala: 80ko hamarkadako jaia
19:00 // Txupinazoa eta Aiara dantza taldearen erakustaldia
19:30 // Pintxopotea Battuere batukadarekin
22:00 // Kontzertuak: Chiki Lora eta Hotel Ruido
Irailak 28, larunbata
9:00 // Mendi irteera
10:30 // Moto klasikoen II.Erakustaldia
11:00 // Arabako txirrindularitza elkartearen lasterketa
11:00 // Irristaketa Amurrio Patinen eskutik
11:00 // Bañueta II.Patata tortilla txapelketa
12:00 // Omenaldia
13:00 // Herri kirolak Bizindar Artziniegako taldearekin
14:30 // Janari herrikoia: paella eta postrea (4€)
16:00 // Erromeria Victorrekin
16:00 // Karta partidak
16:30 // Mus txapelketa
16:30 // Aldi bereko xake partidak Erlantz Miguelezekin
17:00 // Aurpegi margotzea, Aspaltzaren eskutik
18:00 // Txokolate jana
19:00 // Umeentzat diskodantza
21:00 // Sevillar dantzak (Enia akademia)
22:00 // Afari herrikoia: hirugiharra, txorizoa eta odolostea (3.5€)
22:00 // Kontzertuak: Mina Longo, Diskodantza