Bi gazte atxilotu ditu Ertzaintzak okindegi batean dirua lapurtzen saiatzeagatik

Erredakzioa 2019ko urriaren 8a

Amurrioko Epaitegira eraman zituen atzo poliziak atxilotutako gazteak. / Aiaraldea.eus

Ertzaintzak okindegi barruan topatu zituen 18 eta 19 urteko bi gazte, kutxa erregistratzailea lapurtzen saiatzen ari ziren bitartean.

Igandeko ordu txikitan, gaueko 04:00ak aldera, izan ziren lapurreta eta atxiloketa. Aiaraldea Hedabideari adierazi diotenez, herritarrek jakinarazi zioten Ertzaintzari Amurrioko okindegi batean zarata handia entzun zutela.Polizia bertaratzean ikusi zuten sarrerako ateko kristala apurtuta zegoela. Barruan, bi gazte aurkitu zituzten, eta identifikatu egin zituzten, "biltegian ezkutaturik zeuden".

Ertzaintzaren arabera, kutxa erregistratzailea irekirik zegoen, eta lurrean txanponak eta motxila bat topatu zituzten. Horren barruan txanpon gehiago eta bihurkina zeuden. Poliziak bi gazteei lapurreta delitua leporatu die, eta egotzi die sarrerako atea apurtzea eta txanponak eta billetek lapurtzea. Zehaztu dutenez, diru gehiena loteriaren salmentakoa zen.

Atzo igaro ziren gazteak Amurrioko Epaitegitik. Biek aurrekariak dituzte.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide