Berri Txarrak taldeak Burubio Kulturgunean joko du urriaren 18an

Aitor Aspuru Saez 2019ko urriaren 11
Deskargatu Info Ahotsak :

Berri Txarrak taldea osatzen duen hirukorea.

Igande honetan egongo dira sarrerak salgai Burubion, 19:00etatik aurrera. Erosle bakoitzak bi txartel besterik ezingo ditu erosi.

Berri Txarrak musika taldeak jakinarazi duenez, Burubio Kulturgunean joko du urriaren 18an, ostiralean.

Sarrerak eskuratzeko Burubiora bertartu beharko dira zaleak. Salmenta igande honetan izango da 19:00etatik aurrera, eta erosle bakoitzak bi sarrera eskuratu ahal izango du gehienez. Burubioko kideen esanetan kopuru mugatua izango da.

Ikusi Arte Touraren birako azken kontzertu arabarra izango da urriaren 18koa. Berri Txarrak taldeak duela hilabete batzuk iragarri zuen bira horren ostean jotzeari utziko diotela.

Burubio Kultur Elkarteak sare sozialetan eman du ekitaldiaren berri: 

Kultura Amurrio
Erlazionatuak
Berri Txarrak duela 15 urte Laudioko Gaztetxean jotzen
Berri Txarrak duela 15 urte Laudioko Gaztetxean jotzen

Erabiltzailearen aurpegia Urko Izquierdo Ereño 2019 ots 17 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide