aiaraldea.eus

Denis Urubko mendizaleak hitzaldia eskainiko du Amurrion

Erabiltzailearen aurpegia Erredakzioa   Kirola  Amurrio

Azaroaren 8an 19:30ean izango da zita Amurrio Antzokian, Mendiko Lagunak taldearen mendi eta naturari buruzko jardunaldien barruan.

Denis Urubko mendizaleak hitzaldia eskainiko du Amurrion
Mendizale ezaguna da Denis Urubko. / Andrei Starkov | Ikusi handiago | Argazki originala

Denis Urubko Amurrio bisitatuko du datorren azaroaren 8an, Mendiko Lagunak taldearen mendi eta naturari buruzko jardunaldietan, hain zuzen.

Mendizale errusiarrak hitzaldia eskainiko du 19:30ean Amurrio Antzokian. “Gasherbrum 2-an bakarrik eta estilo alpinoan irekitako ibilbide berriari buruz mintzatuko da”, azaldu dute solasaldiaren antolatzaileek.

Mendiko Lagunak taldeko kideek nabarmendu dutenez, gaur egun dagoen mendizale esanguratsuenetako bat da Urubko, hainbat arrazoi medio: “Altuerako erreskateetan burututako lanagatik eta hainbat mendi jardueragatik. Neguan 8.000 metroko tontorretara eginiko lehen igoeretan parte hartu du, eta altuera horretako mendietan ibilbide berriak egin ditu berak bakarrik. Hainbat errekonozimendu jaso ditu horregatik: Piolet d´or 2010 garaikurra eta National Geographic emandako 2019. urteko abenturazalearen izendapena (Adam Bieleckin batera)".

Mendi eta naturari buruzko jardunaldien informazio gehiago topatu daiteke Mendiko Lagunak taldearen webgunean.

Horrez gain, Gorobel Ibilaldiaren XXXIII. edizioa prestatu dute mendi taldeko kideek azaroaren 10erako:

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa