Berri Txarraken oroitzapenak Aiaraldean "beude"

Burubion eskaini zuen Berri Txarrak taldeak bere agur birako azken kontzertuetako bat. Txiki geratu zen aretoa, eta giro beroa izan zen nagusi. 1999an izan ziren Amurrion jotzen, aipatu zutenez. 

Berri Txarrak taldearen kontzertua egon zen atzo Amurrioko Burubio elkartean. Adreiluzko pareten artean giro paregabea eraiki zuten nola musikariek hala zaleek. Ordu eta erdi inguru iraun zuen emanaldiak, eta etengabekoak izan ziren jarraitzaileen oihu eta txaloak. Izarrak bailiran dekoratu zuten artisten atzeko teloi beltza, eta rock izar moduan aritu ziren Gorka Urbizu, Lander Izagirre eta David Gonzalez.

Gorka Urbizu abeslariak Burubio eta Amurrio inguruko musikariei eskaini zien kontzertua, besteak beste. Izan ere, bost urte daramatza elkarteak musikari eta musikariei aukerak ematen. Horren adibide dira urtean zehar antolatzen dituzten jaialdi andana, grabaketa estudioa edota entsegu lokalak. 

Igandean jarri ziren salgai sarrerak, eta ordu erdian agortu ziren txartel guztiak. Azaroan izango da talde nafarraren azken kontzertua, Iruñean. Lehenago, baina, kontzertu "txikiak" emango dituzte sei tokitan: Amurrion (atzokoa), Baionako eta Elorrioko gaztetxeetan, Muxikebarrin, Bermeoko Kafe Antzokian, Oialume biltokian eta Larragan. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide