Emakumeentzako autodefentsa ikastaroa egingo dute Mugendo eskolan

Parte hartzaileek gerriko morea jasoko dute oroigarri gisa.

Azaroaren 23tik 26ra egingo da tailerra. Bildutako dirua Askabideri emango diote.

Emakumeentzako autodefentsa ikastaroa egingo dute Amurrioko Mugendo eskolan azaroaren 23tik 26ra, Emakumeen aurkako Indarkeria desagerrarazteko Nazioarteko Eguna dela eta. “Bizitzan jazo daitezkeen hainbat egoera planteatuko dira”, azaldu dute eskolako kideek, “teknika erraz eta eraginkorrak landuko dira, ez da aurretiazko inolako esperientziarik beharko”. Zehaztu dutenez, “eraso fisikoei zein ahozkoei” erantzuteko teknikak irakatsiko dituzte: “erasotzailearen indarra bere aurka erabiltzeko, amorrua norbere onurarako kontrolatzeko eta beldurra murrizteko”.

Tailerrean parte hartzen dutenek 10 euro ordaindu beharko dituzte. Bildutako dirua Askabide elkartera bideratuko da. “Bertaratzen diren emakume guztiek kolore moreko mugendo gerriko bat jasoko dute oroigarri bezala”.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide