aiaraldea.eus

Gaur amaitzen da igandean egingo den Gorobel Ibilaldian izena emateko epea

Erabiltzailearen aurpegia Erredakzioa   Kirola  Amurrio

Hiru ibilbide egongo dira guztira: 42 kilometrokoa, 25ekoa eta 10ekoa.

Gaur amaitzen da igandean egingo den Gorobel Ibilaldian izena emateko epea
Ehunka mendizalek egingo dute ibilaldia. | Ikusi handiago | Argazki originala

Gorobel Ibilaldiaren XXXIII. edizioa egingo dute datorren igandean, azaroak 10. Baina izena emateko epea bihar -osteguna- amaituko da. Mendikolagunak.eus edo Zirkuitua.com atarietan egin daiteke inskripzioa. Mendi taldeko kideek eta federatuek 6 euro ordaindu beharko dituzte. Gainontzekoek, aldiz, 9 euroren truke parte hartu ahal izango dute.

Hiru ibilbide
Hiru ibilbide egongo dira guztira. Bide luzeak 42 kilometro izango ditu. Mendizaleak goizeko zazpietan abiatuko dira Juan Urrutia plazatik eta Babio, Aro eta Tologorri zeharkatuko dituzte, besteak beste.

Ibilbide ertaina 25 kilometrokoa izango da. Parte hartzaileak autobusez joango dira 8:00etan Maroñoraino, eta Ungino, Eskutxi, Goizale aterpea eta Belandia bisitatuko dituzte, besteak beste. Ibilbide txikia, aldiz, 10 kilometrokoa izango da. Goizeko hamarretan abiatuko da, eta Babio izango du helburu.

Argazki eta bideo lehiaketa
Antolatzaileek jakinarazi dute argazki eta bideo laburren lehiaketa burutuko dutela ibilaldian zehar. Aiaraldea hedabideak, bere aldetik, ibilaldirako dortsal bat zozketatuko du ostiralean. Aiaraldea.eus/zozketak atarian sartuta parte hartu daiteke.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa