aiaraldea.eus

Kultura Eguna egingo dute azaroko azken egunean, Araba Euskaraz abiatzeko

Erabiltzailearen aurpegia Erredakzioa   Euskara  Amurrio

Herri bazkarietarako tiketak azaroaren 26a baino lehen eskuratu beharko dira Araba Euskaraz-en dendan.

Kultura Eguna egingo dute azaroko azken egunean, Araba Euskaraz abiatzeko
"Darabagu" izango da Araba Euskaraz jaiaren leloa. / Aresketa Ikastola | Ikusi handiago | Argazki originala

Hasi da dagoeneko Amurrioko Araba Euskaraz jaia. Ospakizun nagusia datorren urteko ekainean egingo duten arren, lehenago hainbat ekintza burutuko dituzte Aresketa Ikastolako kideek. Datorren azaroaren 30ean egingo dute lehena. Kultura eguna antolatuko dute Juan Urrutia plazan.

Egunsentitik ilunabarrera luzatuko da egitaraua, makina bat ekintzarekin.  Goizean tailer eta jolasak izango dira protagonista. 13:00etan euskal dantzak egongo dira, eta handik ordubeterea abiatuko da trikipoteoa.

Herri bazkariak egingo dituzte gero. 14:00etan 10 urte baino gutxiago dituzten pertsonek jango dute. 15:00etan, aldiz, nagusiagoen txanda izango da. Otorduen prezioa 7 eta 15 eurokoa izango da, hurrenez hurren. Tiketak azaroaren 26a baino lehen eskuratu beharko dira Araba Euskarazen dendan.

Bazkalostean bertsolariak eta kantukada egongo dira. Arratsaldean eta gauean, aldiz, kontzertuak izango dira nagusi. Sabin Guaresti, Jatorriz erromeria eta Aiaraldeko Soinu Sistema igoko dira oholtzara.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa