Babioko igoeraren aurtengo helburua: 600 lagunek baino gehiagok parte hartzea

Babioko igoerako artxibo irudi bat. / Aiaraldea.eus

Gainera, aurreko gauean mendia igotzeko erronka antolatuko du Amurrio Trail Taldeak. Diru-sarrera guztiak Bihotzez erakundera bideratuko dira.

Amurrio Trail Taldeak laugarren urtez antolatuko du Babio mendirako igoera abenduaren 24an, aniztasun funtzionala duten umeekin eta Montes Solidarios erakundearekin batera. Ekintza horrek, “Ametsak betetzen” deitua, iazko 600 partaideak gainditzea espero du. Helburu hori zehaztu du antolakuntzak ohar batean.

Gainera, iaz bezala, aurten ere abenduaren 23ko 18:00etatik 24ko 10:00etara arte (igoera egingo den momentua) irauten duen erronka solidarioa antolatu egingo da: Orduro norbaitek Babio mendia igotzea izango da helburua. Erronkan edo igoeran bertan parte hartu ahal izateko hamar euro ordaindu beharko dira, eta diru-irabazi guztiak Bihotzez elkartera (jaiotzatiko kardiopatien kontra borroka egiten duen erakundea) bidaliko dira. Behin Babiotik jaitsita, 14:00etan, txokolatada eta txistorra dastaketa antolatuko dira plazan.

Babioko igoera trail taldeko kideen arteko ekimen pribatu bezala planteatu zen hasieran, baina arantza bifidoa duen ume batekin eta beste “250 pertsona ingururekin” igo ziren azkenean. Hurrengo urtean, aniztasun funtzionala duten hiru umek lortu zuten gailurra egitea: aurreko urteko umeak, neska itsu batek eta ibiltzea ezinezkoa duen beste mutil batek.

Iaz, aipatu bezala, 600 pertsona baino gehiago animatu ziren parte hartzera, Olentzerorekin batera:

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide