Laburra izan zen atzo ospatutako Amurrioko azaroko Udal Osoko Bilkura. Hiru ordu laurden eskas iraun zuen plenoak, eta adostasuna izan zen nagusi, puntu guztiak onartu baitziren aho batez.
Uskategi kaleko bide publikoan mugaketa bat egitea izan zen hartutako erabakietako bat. “Bideao 370 metrokoa da”, azaldu zuen Josune Irabien alkateak, prozesua “nahiko luzea” izango zela gaineratuta: “Arabako Lurralde Historikoaren Aldizkari Ofizialean argitaratuko da erabakia. Helegiteak egiteko epea irekiko da orduan. Helegiterik ez badago automatikoki egingo da mugaketa”.
Adinekoen Kontseilu Sektoriala sortzea ere onartu zen bilkuran, organo horren funtzionamendua zehazten duen araudiarekin batera. Abenduaren 17an egingo dute lehenengo batzar nagusia, 18:00etan Nagusi Etxean, 18:00etan.
Euskara plana
2019-2022 aldirako Euskara plan estrategikoa ere onartu zen bilkuran. Irabienek jakinarazi duenez, “parte hartze prozesu txiki bat” abiatu zuten aurreko plana baloratu eta berriaren ildoak zehazteko. “Euskarak etengabeko bultzada behar du, “ezagutza eta erabileraren arteko tartea oso zabala delako oraindik. Apurka apurka euskaldunen kopurua gora doan arren, badaude hainbat hutsune estrategikoak izan behar direla: kirola, lan mundua, ostalaritza eta gizarte mailan sortzen diren Euskaraldia bezalako fenomenoak”, azaldu zuen alkateak.
Orain Amurrio taldeak hitza hartu zuen euskararekiko konpromisoan berresteko. Era berean, euskararen normalizazio prozesua diru publikoa jasotzen duten beste erakunde batzuetara zabaldu ahalko litzatekeela iradoki zuen.
Horrez gain, Euskararen Nazioarteko Eguneko adierazpen instituzionala onartu eta irekurri zuten bilkuran. Hemen irakurri daiteke osorik.
Erregu eta galderak
Arestian aipatutako gaiak bozkatu ostean, erregu eta txanden tarteari eman zioten paso. EH Bilduko Irune Iturbe zinegotziak jakinarazi zuen pentsionistei buruzko mozioa eztabaidatuko dela abenduaren 12ko bilkuran: “Nabarmendu nahi dugu ez dela EH bilduren mozio bat izango, pentsionistek eurek plazaratutakoa baizik”.
Bestetik, talde politiko bereko kidea den Iñaki Ibarluzeak datorren urteko udal aurrekontuen inguruan galdetu zuen, horiek “ahalik eta lasterren” onartzearen garrantzia nabarmenduta. Irabienek erantzun zion “ahalik eta gehien” azkartu nahi dutela aurrekontuen tramitazioa, baina ez zuen data zehatzik eman. “Arloei irailerako eskatzen zaie aurreikuspena prestatzea, baina egia da batzuk berandutu egin direla”. Gauzak hala, alkateak aurreratu zuen ez dituztela urtea amaitu baino lehen aurkeztuko.
Euskara plana, adinekoen kontseilua eta aurrekontuak izan dituzte hizpide Udal Osoko Bilkuran
Adostasuna erabatekoa izan zen: talde guztiek bozkatu zuten puntu guztien alde.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide