3.335 euro lortu dira aurtengo Babio igoeran eta 16 ordu non stopen, iazko ekitaldian baino 1.000 euro inguru gutxiago; irabazi guztiak Bihotzez elkarteari eman zaizkio. Dena den, antolatzaileetako batek, Axier Vivancok, “kopuru polita” dela adierazi du, “jendeak ahal duen dirua ematen duelako” eta “giro ona” egon zelako goiz osoan zehar. Hala ere, iaz lortutako 4.000 eurotik gorako kopurua “igotzea” zutela aurtengo helburu nagusi aitortu du Vivancok.
Nahiz eta aurreko urteetako ohiko igoera moztuta zegoen eta beste toki desberdin batetik igo behar izan zuten, “seiehun pertsona inguru” animatu ziren mendian gora goizean zehar. Dena den, ibilbide aldapatsuagoa izanik, “jende gehiagori kosta zitzaion” igotzea eta, Montes Solidarios heldu zenerako, pertsona batzuk jaitsi egin ziren jada.
Etorkizunari begira, ekintza solidario hau “urteetan zehar” mantentzea gustatuko litzaiekeela adierazi du antolatzaileak, nahiz eta lortuko duten dirua zer asoziaziori ematea ez duten oraindik argi: “Agian Aiaraldeako elkarte bati emango diogu; ez dira hain ezezagunak, baina laguntza behar dute ere”. Amatzeko, Babiora igo ziren eta dirua eman zuten pertsonen partaidetza eskertu nahi izan du Vivancok.