aiaraldea.eus

Larrinbeko etxebizitza batean gertatutako sutea istripua edo eragindakoa izan ote den ikertzen ari dira

Erabiltzailearen aurpegia Aitor Aspuru Saez   Jendartea  Amurrio  Amurrio: Larrinbe

Larrinbeko etxebizitza batean gertatutako sutea istripua edo eragindakoa izan ote den ikertzen ari dira Laudio eta Luiaondoko edukiontzi banatan itzali dute sua. / Arabako Suhiltzaileak | Ikusi handiago | Argazki originala

Gabon zahar gauan lau aldiz atera behar izan ziren Aiarako Suhiltzaileak lan egiteko eta Larrinben jazotako sutea apropos piztu ote zuten ikertzen ari da Ertzaintza.

Gabon zahar gau bizia izan dute Aiarako Suhiltzaileek. Lau aldiz esku hartu behar izan dute eta, gainera, Larrinben gertatutako sutea istripua edo erasoa izan den argitzen ari da polizia.

Goizeko zortziak aldera suhiltzaileek Larrinbera jo behar izan dute, familia bakarreko etxebizitzak sua hartu baitu. Bertako bizilagunek topatu dituzte kalteak, etxera itzultzean. Suhiltzaileek adierazi dutenez, antza, suak ez du oxigeno nahikorik izan gehiago zabaltzeko -ez du leihorik hautsi, esaterako- eta, ondorioz, ez du eraikina txikitu. 

Hala ere, kalteak egon dira hiru geletan. Aiarako Suhiltzaileek azaldu dute sua hiru puntu ezberdinetan hasi dela eta, horregatik, norbaitek eragin duen ikertzeari ekin dio Ertzaintzak. Berez, suhiltzaileek erantsi dute ez dituztela euren baliabideak erabili behar izan: ateak eta leihoak ireki dituzte lekua aireztatzeko eta sua pizten ez dela ziurtatu dute.

Esku hartze horrez gain, bi edukiontzitan -Laudion eta Luiaondon- sua itzali dute eta baita Artziniegako palmondo batean ere.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa