Sei adituk hartuko dute parte Aresketa Ikastolaren Hezkuntza Jardunaldi Irekietan

Haur eta nerabeen heziketan zentratuko dira jardunaldiak. / Aresketa Ikastola

Bost eguneko iraupena izango dute jardunaldiek. "Haur eta nerabeen hezkuntzak duten rolaren inguruko hausnarketa” egitea izango da helburu nagusia. Egun bakoitzean hizlari bat bertaratuko da, hezkuntzaren hainbat alorri buruz hitz egiteko. Hitzaldi guztiak 19:00etan izango dira.

Hezkuntza Jardunaldi Irekiak antolatuko ditu Aresketa Ikastolak datorren urtarrilaren 20tik eta 24ra, “helduek hezkuntzan duten rolaren inguruan hausnartzeko". Lehenengo eguna, astelehena, neurodidaktikara bideratua egongo da, Jose Ramon Gamo haur neuropsikologian adituaren hitzaldiarekin. “Hazkunde mentalitatea, talentuaren garapena eta helduen begirada” bezalako gaiak landuko dira egun horretan, besteak beste

Bigarren egunean, 21ean, Anton del Olmo psikoterapeuta eta sexualitatean aditua izango da hizlaria, eta helduek haur eta nerabeen sexualitatean bete beharko luketen rola izango du hizpide. Asteazkenean, aldiz, Iñaki Arana eta Saionara Barrena izango dira gonbidatuak, eta haurren zein nerabeen familia eta eskolaren arteko elkarrekintza izango dute mintzagai.

Hurrengo egunean, 23an, Iñaki Garcia Maza (gizarte bazterketa arriskuan dauden nerabeekin lanean aditua) izango da hizlaria, eta nerabeak bideratzen laguntzeko aholkuak emango ditu. Azkenik, Violeta Gallegok, hazkuntza eta perinatalitatean aditua den psikologo klinikoak, hitzaldia eskainiko du haurrek eta nerabeek euren tokiak argi izaten nola lagundu irakasteko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide