aiaraldea.eus

Amurrioko PSE-EEk familien elkartze puntua eskatzeko mozioa aurkeztu du

Erabiltzailearen aurpegia Julen Solaun Martinez   Politika  Amurrio

Sozialistek "lehentasuna" dela gehitu dute, herrian epaitegiak daudela eta eskualde osoan horrelako punturik ez dagoela ikusita. Puntu horiek neutralak eta segurtasun "berme osoak" dituztela ere esan dute.

Amurrioko PSE-EEk familien elkartze puntua eskatzeko mozioa aurkeztu du
Amurrion epaitegiak egotea da horrelako puntu bat sortzeko PSE-EEk eman duen arrazoietako bat. / Aiaraldea.eus | Ikusi handiago | Argazki originala

Amurrioko PSE-EEk mozioa aurkeztu du familien elkartze puntu baten sorrera eskatzeko.

Taldeko bozeramaileak, David Romerok, ekimen hori “lehentasuna” dela adierazi du, batez ere, Amurrion epaitegiak daudela eta eskualde osoan horrelako punturik ez dagoela ikusita.

Hortaz, alderdi sozialistak, “umearen interes gorena babestearren eta gurasoen arteko erlazio hoberenak mantentzearren”, Eusko Jaurlaritzarekin batera lanean jartzeko eskatu dio gobernu jeltzaleari, “irekiera lasterra” lortzeko asmoarekin.

Gurasoen arteko adostasunik gabeko kasuetan, “epaileek diktatutako neurriak aplikatzeko” erabili ahalko lirateke ere puntu horiek, Romeroren esanetan.

Era berean, zerbitzuaren kudeaketarako kolaborazio hitzarmena sinatzea eskatu du ere PSE-EEk.

Familien elkartze puntuak dohain erabiltzeko espazioak direla gogoratu du oposizioko taldeak, baita neutralak eta segurtasun “berme osokoak” direla ere.

Maiztasunez informeak egiten dituzten espezialistak ere daude puntu hauetan lanean, eta epaileen erabakietan eragina izan dezakete.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa