Ehunka pertsona hurbildu dira gaur goizean Amurrioko San Anton azokara. Hotz eta goibel hasi da eguna eta azoka hasi eta ordubete pasa arte, hamaikak inguru, ez da jende asko hurbildu. Noski, goiza pasatu eta 12:30etako enkantea hurbildu ahala (eguzkiak ere agerraldia egin du) adin guztietako kuadrilla eta familiak bildu dira azokan.
Enkantea izan da, hain zuzen ere, goizeko momentu nagusia, non jende gehien pilatu den. Han, hainbat kirol taldetako kamisetak, gazta, txakolina, ogia eta tokiko beste hainbat produktu saldu izan dira. Diru irabaziak, dena den, ez dira antolatzaileentzako izan, ELA gaixotasunaren Espainiako elkarterako baizik (Adela).
Azoka berari dagokionez, denetariko produktuak saldu dira: kontserbak, txerrikiak, barazkiak, fruta eta edariak, besteak beste.
Hala ere (eta ezingo litzateke beste modu batean izan), produktu izarrak gazta, txoripana eta pastela izan dira. Pertsona asko egon dira pastel apur bat dastatzen, erositako gazta poltsa batean sartuta zutela. Beste askok txoripana hautatu dute hamaiketako bezala, salda beroa edaten zuten bitartean. Txakolina, nola ez, beste aukera arrakastatsuetako bat izan da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide