aiaraldea.eus

Aldaiturriaga eta Maskuribai enpresa guneetako sarbideak konpondu dituzte

Erabiltzailearen aurpegia Julen Solaun Martinez   Ekonomia  Amurrio

41.916,63 euro inbertitu dira guztira, zati bat Eusko Jaurlaritzak finantzatuta. Hobekuntzen artean, galtzadako zoruak konpondu eta seinale horizontalak margotu dira berriz.

Aldaiturriaga eta Maskuribai enpresa guneetako sarbideak konpondu dituzte
Aldaiturriagako sarrera, hobetu ostean. / Amurrio Udala | Ikusi handiago | Argazki originala

Aldaiturriaga eta Maskuribai enpresa guneetako sarbideetako galtzadak eraberritu dira Amurrion, “ibilgailuen zirkulazioa seguruagoa izateko helburuarekin”.

Udalak ohar batean zehaztu duen arabera, obraren kostua 41.916,63 eurokoa izan da, zeinaren zati bat Eusko Jaurlaritzak ordaindu duen.

Landako kaletik egiten den Maskuribaiko iparraldeko sarrera, esaterako, 4,5 metroraino zabaldu da, eta bidean zeuden zulo txikiak kendu dira.

Aldaiturriaga eremuan, berriz, 1.250 metro karratu galtzada konpondu dira, baita kamioien aparkalekuaren parean dagoen oinezkoentzako pasabidea ere, espaloien altuera berean jarrita.

Errepideko marka horizontalak berriro margotu dira eta bideetako seinaleak markatu dira. Oinezkoei dagokienez, bi pasabidetan 50 metro karratu margotu dira, eta baita oinezkoek babesguneak inguratzen dituzten 400 metro ere.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa