Aldaiturriaga eta Maskuribai enpresa guneetako sarbideak konpondu dituzte

Aldaiturriagako sarrera, hobetu ostean. / Amurrio Udala

41.916,63 euro inbertitu dira guztira, zati bat Eusko Jaurlaritzak finantzatuta. Hobekuntzen artean, galtzadako zoruak konpondu eta seinale horizontalak margotu dira berriz.

Aldaiturriaga eta Maskuribai enpresa guneetako sarbideetako galtzadak eraberritu dira Amurrion, “ibilgailuen zirkulazioa seguruagoa izateko helburuarekin”.

Udalak ohar batean zehaztu duen arabera, obraren kostua 41.916,63 eurokoa izan da, zeinaren zati bat Eusko Jaurlaritzak ordaindu duen.

Landako kaletik egiten den Maskuribaiko iparraldeko sarrera, esaterako, 4,5 metroraino zabaldu da, eta bidean zeuden zulo txikiak kendu dira.

Aldaiturriaga eremuan, berriz, 1.250 metro karratu galtzada konpondu dira, baita kamioien aparkalekuaren parean dagoen oinezkoentzako pasabidea ere, espaloien altuera berean jarrita.

Errepideko marka horizontalak berriro margotu dira eta bideetako seinaleak markatu dira. Oinezkoei dagokienez, bi pasabidetan 50 metro karratu margotu dira, eta baita oinezkoek babesguneak inguratzen dituzten 400 metro ere.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide