150 dantzari baino gehiago igoko dira oholtzara "Nahas Jolas 2" ikuskizunean

Iaz eskaini zuten "Nahas Jolas" ikuskizunaren lehen edizioa. / Aiaraldea.eus

Aiara Dantza Taldeko kide guztiek hartuko dute parte larunbateko bi emanaldietan. Sarrera gehienak salduta daude dagoeneko.

Nahas Jolas 2 ikuskizuna aurkeztuko du Aiara Dantza Taldeak otsailaren 1ean Amurrio Antzokian. Bi emanaldi egongo dira, 18:00etan eta 20:30ean. Sarreraren prezioa 8 eurokoa izango da, baina bazkideek 6 euro ordaindu beharko dute soilik eta umeek, aldiz, 5.  Kultur etxean eskuratu daitezke sarrerak baina, jakinarazi dutenez, lehen paserako zeuden guztiak saldu dira dagoeneko.

Aiara Dantza Taldeko kide guztiek hartuko dute parte ikuskizunean. “5 urtekoetatik hasi eta helduen taldeetaraino, 150 dantzari baino gehiago”, zehaztu dute antolatzaileek, “gainera, oraingoan ez dugu gonbitatu berezirik edukiko, ez ginateke oholtzan sartuko bestela”. Gauzak hala, euskal dantzak izango dira ikuskizunaren oinarria, baina “diziplina eta herrialde ezberdinetako musiken gainean” egingo dute dantza.

Hori izan da taldearen helburu nagusia: kide guztiek emanaldian parte hartu ahal izatea. “Aurreko urteko dantzaldian taldeko gutxi batzuek hartu genuen parte, beste diziplina batzuetako dantzariz lagunduta. Duela bi urteko dantzaldian ere, taldeko txikiek ez zuten parte hartzeko aukerarik izan, eta beraz, zor hori genuen, bai txikiekin eta baita helduen taldeekin”. Iazko emanaldia ondo atera zela ikusita ekin zioten larunbat honetako emanaldiaren gidoia prestatzeari. “ Dantza munduan ezagutza sakona duen irakaslea dugu eta bera izan da guzti honen eragile”.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide