Dantza, musika eta jantzi koktel freskagarria eskaini du Aiara Dantza Taldeak, bigarren urtez jarraian

Nahas Jolas 2 ikuskizuna taularatu zuten Aiara Dantza Taldeko kideek atzo arratsaldean Amurrio Antzokian. Bi emanaldi eskaini zituzten, bata bestearen jarraian, eta bietarako sarrerak agortu ziren. Ikusmira handia sortu zuen ikuskizunak, eta ez zen gutxiagorako: 150 dantzari baino gehiago aritu ziren oholtzan ordu eta laurden inguruko jantzi, dantza eta musika koktel freskagarria eskaintzen.

Oso emanaldi dinamikoa izan zen. Abesti eta dantzari guztiak jarraian entzun eta ikusi ahal izan zituzten bertaratutakoek, etenik gabe apenas. Izenburuak iradokitzen duen moduan, nahasketa izan zen dantza guztiak lotu zituen haria. Zentzu horretan, nahiko ausart jokatu zuten Aiara Dantza Taldeko kideek, euskal dantzen ohiko pausoak ezohiko pop eta elektronika doinuekin nahastu baitzituzten, besteak beste. Janzkera apurtzaileak ere taularatu zituzten, euskal jantzietako gonak jaka beltzekin konbinatuta, adibidez.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide