Amurrioko auzo bakoitzeko beharren eta lehentasunen inguruko diagnosiak egingo ditu udalak, martxoko auzo asanbladak hobetzeko asmoarekin eta auzoetako ordezkariekin bilerak egin baino lehen. Modu horretan, bilera horietan diagnosietan jasotako informazioa izan ahalko dute hizpide, tokiko erakundeak azaldu duenez.
Jasoko den informazioak auzokideen iritzia izango du aintzat. Kaleetako eta espaloietako egoeraren, trafikoaren, seinaleen edota garraioaren inguruan duten pertzepzioa baloratuko da, besteak beste. Era berean, auzo bakoitzeko garapen ekonomikoaren eta zonaldeko populazioaren bilakaeraren inguruko balorazioak ere egingo ditu tokiko erakundeak, betiere biztanleen ikuspuntua irizpide nagusi gisa izanda.
Informazioa biltzeko, auzoetako biztanleei galdeketa egingo die udalak. Martxoan egingo diren auzo asanbladetan aztertuko dira ondorio guztiak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
