Amurrioko aurrekontuak “ahalik eta lasterren” aurkeztea eskatu du PSE-EEk

David Romero PSE-EEko zinegotzia, artxibo irudi batean. / Aiaraldea.eus

Oposizioko alderdiak aurrekontuen inguruan hitz egiteko biltzea eskatu dio udal gobernuari, eta bi alderdien “erantzukizun komuna” aipatu dute.

PSE-EEk 2020ko aurrekontuak “ahalik eta lasterren aurkeztea” eskatu dio Amurrioko udal-gobernuari, “biztanleen beharren eta etorkizuneko erronken” inguruko ardura hartzeko. Era berean, aurrekontuak erabakitzeko haiekin biltzea ere eskatu diete sozialistek jeltzaleei. Oposiziotik bi alderdien “erantzukizun komunari" egin diote men egoera desblokeatzeko.

Alderdiko bozeramailearen, David Romeroren, esanen arabera, “luzatutako aurrekontu batzuekin lan egiteak ez du logikarik, instituzio baten erreminta garrantzitsuena baitira”. Hori dela eta, herriaren erronkak “aurrekontu egonkortasunetik” egin behar direla gehitu du Romerok.

Etorkizuneko erronka nagusi horien artean daude “udal-zerbitzuen mantenua, segurtasuna, auzoetako eta zonalde industrialetako inbertsioak edota berdintasuna”, sozialisten aburuz. Hortaz, “pertsonak udal-politiken zentroa izatea” eta zonaldearekiko errespetuarekin etorkizunari begiratzea ere eskatu diete jeltzaleei.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide