aiaraldea.eus

Uxue Alberdik, besteak beste, parte hartuko du emakume sortzaileei buruzko mahainguruan ostiralean

Erabiltzailearen aurpegia Julen Solaun Martinez   Kultura  Amurrio

Martxoaren 3tik 15era emakumezkoek egindako lanen erakusketa egongo da toki berean.

Uxue Alberdik, besteak beste, parte hartuko du emakume sortzaileei buruzko mahainguruan ostiralean
La Casonan prestatu dute erakusketa. / Aresketa Ikastola | Ikusi handiago | Argazki originala

Martxoaren 6an Aiaraldeko sortzaileen eta Euskal Herriko kulturgileen arteko mahaingurua antolatuko du Amurrioko Aresketa ikastolak, Uxue Alberdi idazlearen, Birkite Alonso musikariaren eta Hazia Barcenilla EHUko Arte Historiako doktorearen parte hartzearekin.

Ekitaldia 17:00etatik aurrera izango da La Casonan, eta “euskaraz, kultur transmisioaz eta genero ikuspegiaz osaturiko unibertso poliedrikoan” murgiltzea izango da helburua, ohar batean adierazi dutenez.

Horren harira, atzotik martxoaren 15era “Ekosistemaren kartografia berriak” erakusketa ere egongo da ikusgai La Casonan. Ilustrazioak, bideo-arteak, arkitekturak, eskulturak, argazkiak eta pinturak ikusi ahalko dira, hamaika sortzailerenak: Yolanda Mosquera, Raisa Alava, Sharai Solar, Eider Garcia, Eider Eguren, Ane Seijas, Nagore Ayesa, Begoña Guillen, Alazne Usategui, Susana Corbella eta Soiartze Alday. 

Antolatzaileek azaldu dutenez, “Amurrioko eta Aiaraldeko emakume elkarteetan gauzatzen den lan isil eta funtsezkoa” omentzea izango da ekintza horien helburua.

Era berean, aurtengo Amurrioko Araba Euskaraz jaia dela eta,  Darabagu kanpainan parte hartzera bultzatu nahi dituzte eskualdeko biztanleak, “euskarazko kultur ekosistemaren ezagutza eta transmisioa” bultzatzeko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa