Amurrioko Udalak 18.183.943,30 euroko aurrekontua aurkeztu du 2020rako, iaz baino %14 gehiago. Tokiko erakundeak azaldu duenez, igoera horren arrazoietako bat iaz egin beharreko ekintza batzuk aurten egin beharko direla da. Diru guztiaren %53a Herritarren Sailera bideratuko da, %24 Lurralde Sailera eta %23 antolakuntzara.
Aurrekontuen %28,70 inbertsioetara bideratuko da. Milioi bat euroko inbertsioa egitea aurreikusten du udalak herriko argien berriztatze osoa egin eta, modu horretan, energia eraginkortasuna sustatzeko. Beste hainbat obra eta berriztatze egingo diztuztela ere adierazi dute, hala nola, Etxegoieneko aparkalekuaren eraikuntza, ur sareen zaharberritzea edota El Reforreko belar artifizialeko zelaiko obrak amaitzea.
Gizarte arloko politikentzako iaz baino %11 gehiago bideratzea aurreikusten dute, euskararen arloan %21 gehiago erabiliko dute eta kirolerako, berriz, 2019an baino %16 gehiago. Udaleko elkarteek 750.043,56 euro jasoko dituzte aurten guztira.
Alkateak, Josune Irabienek, adierazi duenez, aurrekontu hauek 2019-2023 urteen arteko Legealdi Planarekin daude lerrokatuta eta “etorkizunera begiratuko duen udalerria” bultzatzea izango dute helburu. Era berean, aurrekontu proiektua PSE-EErekin era arin batean eztabaidatu dutela gehitu du, eta eztabaida horren ondorioz arlo soziala indartzea eta 300.000 euroko inbertsioak egitea erabaki dutela.
Gauzak hala, nahiz eta aurrekontuak oraindik Udal Osoko Bilkuran onartuak dauden, aurrera ateratzea da posibleena.