aiaraldea.eus

Josu Zabala eta Ainhize Solaunekin batera aurkeztu du Igor Arzuagak bere disko berria

Erabiltzailearen aurpegia Erredakzioa   Kultura  Amurrio

Baserritik jaitsi ginen disko berria aurkeztu zuen atzo Igor Arzuaga aretarrak Amurrio Antzokian.

Berriki plazaratu du Baserritik jaitsi ginen lana Igor Arzuaga musikari aretarrak. Piano, perkusio eta kontrabaxu soinuekin jantzi zuen Amurrio Antzokia atzo eginiko aurkezpenean. Gainera, gonbidatu bereziak izan zituen. Batetik, Josu Zabala musikaria, eta bestetik Ainize Solaun dantzaria. Hain zuzen, Jota eta Arin-arina abestiak jo eta dantzatu zituzten elkarrekin. "Bizitzak irakatsiak eta irakasleak ditu" esanez egin zion keinu Hertzainakeko musikariari. Hala, Igor Arzuagaren bi abesti jo zituzten elkarrekin, Ainhize Solaun Mendiguren dantzariarekin batera.

Hasier Oleaga eta Victor Gomez musikariak izan zituen oholtzan lagun Arzuagak. Emanaldi intimoa bezain atsegina izan zen, orotariko doinuez gozatzekoa. Abestitik abestira sormen lanen azalpenak eman zituen musikariak. Esaterako, meatzariak gogoan sortutako kantua. Kabareteko istorioak ere izan zituzten hizpide kantutik kantura. 

Erredakzioa: Izar Mendiguren Cosgaya

Bideoa: Txabi Alvarado Bañares

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa