Garikoitz Ibarrolaren senideei babesa emateko balkoietara ateratzeko deialdia egin dute

Garikoitz Ibarrola Etxebarria. / Ibarrola Etxebarria Familia

Konfinazio egoera dela eta, ezingo da agur ekitaldirik egin. Hargatik, 21:00etan Amurrioko balkoietatik Garikoitz Ibarrola Etxebarriaren sendiari babesa helarazteko deialdia luzatu dute lehengusu eta lagunek.

Gaur zendu da Garikoitz Ibarrola Etxebarria, 38 urteko amurrioarra. Alabaina, koronabirusak sortutako salbuespen egoera medio, ezingo da agur ekitaldirik egin. Ondorioz, herritarrek familia eta lagunei babesa adierazteko balkoietan gauzatuko dute deialdia, 21:00etan. "Ahalik eta lagun, ezagun eta herritar gehienei iristeko zabaldu dugu mezua", argitu dute. Mendiko Lagunak elkarteko kidea zen gaztea, "Indar Torreta Amurrio Futbol taldeko intxadaren parte izan zen ere; eta ehiza, mendi kirola zein ingurunearekin edota kulturarekin lotura estua izan zuen".
 
"Gogorra da berez maite dugun norbait galtzea, baina are senideei besarkadarik eman ezin zaien garai hauetan, musu eman edo batera negar egiteko", adierazi diote senideek Aiaraldea komunikabideari. Hori dela eta, gaztearen lehengusu eta lagunek iluntzean Amurrioko balkoietatik familia osoari babesa helaraziko diete. "Agur Gari, izar berri bat piztera zoaz Euskal Herriko zeru gainean", erantsi dute gertukoek.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide