Etxean biziko dituzte aurten San Joseko jaiak. Hala ere, ez dute festarako aukera eten nahi izan, eta auzokide zein herritarrei parte hartzeko deia luzatu diete. Era berean, argazki edo bideoak sanjosekojaiaketxean@gmail.com helbide elektronikora bidaltzea eskatu dute.
Egitaraua, itxialdira egokituta
Ekitaldietan moldaketak egin dituzte, baina ez dute programazioa bertan behera utzi. Beste urteetan ez bezala, egun bakarrean metatu dituzte jarduera guztiak: maiatzaren 1ean.
Hala, balkoi eta leihoak apaintzen hasiko dute eguna, 11:00etan. 12:00etan, berriz, txupinazoa egingo dute, eltzeekin zarata eginez. Ondoren, poteoa egingo dute balkoi eta leihoetan, musika eta guzti.
Gastronomiak ere izango du tartea, tortila txapelketa izango baitute 14:00etan. Argazkiak posta elektronikora bidali beharko dituzte partaideek.
Sare sozialetan ere izango du mugimendua ekimenak, 17:00etan ipuin kontalaria eta eskulan tailerrak eskainiko baitituzte Facebook eta Instagrameko zuzeneko emanaldien bitartez.
Edadetuak ere izango dituzte gogoan, 18:30ean musika eta txaloekin omenduko dituzte eta.
Iluntzerako, berriz, flamenko erakustaldia oroitzeko musika jarriko dute 19:15ean, eta 19:45ean mozorro lehiaketari emango diote bide, etxeetako leiho eta balkoietan. Txosnetako bokata eta guzti gehitu diote programazioari, jaia bukatu aurretik kandelak piztuta:
