EH Bilduk krisi ekonomikoa leuntzeko gaineratiko metatua erabiltzea eskatu du Amurrion

Iñaki Ibarluzea, artxibo irudi batean. / Aiaraldea.eus

Eskakizun hau Orain Amurriok eginiko proposamenarekin bat dator. Baliabide ekonomikoak “herritarrengana itzultzea” eskatu du oposizioko taldeak.

Amurrioko EH Bilduk aurreko ekitaldietako “gaineratiko metatua” (aurreko urteetan udalak metatutako dirua) Covid-19ak sortutako krisi ekonomikoa arintzeko erabiltzea eskatu du, Orain Amurrio taldearen proposamenarekin bat eginda. “Kontuak saneatuta egon arren, Gobernu Zentrala da diru hori gastatzeko ahalmena mugatzen duena”, gehitu dute oposizioko taldeko kideek ohar baten bidez.

Ildo beretik aritu da Iñaki Ibarluzea bozeramailea, dirua herritarrak laguntzeko erabili behar dela azpimarratuta: “Guztion dirua metatzen da, logikoa da baliabide horiek herritarrengana itzultzea, dela laguntzen, zerbitzu publiko, gizarte-politika eta enplegua sustatzeko neurrien bidez”.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide