ELAk Amurrioko Inauxa lantegiak, Mubea enpresaren parte dena, behin-behineko langileak kaleratu dituela salatu du. Era berean, Edai ingeniaritza enpresak beste sei behargin kalera botatzea ere kritikatu du sindikatuak. Hortaz, egoera honek “pandemia aprobetxatuz” enplegua suntsituko duela eta langileen egoera prekarizatuko duela zehaztu dute.
Ohar batean adierazi dutenez,, Inauxak apirilean jakinarazi zien behin-behineko langile guztiei haien kontratuak amaituko zirela, “COVID-19aren krisiak sortutako egoera baliatuta eta Amurrioko lantegirako enplegua erregulatzeko espediente bat aurkezteko atarian”.
Beraz, erabaki horrek lantegiko plantillari “babesgabetasun handia” ematen diola gehitu dute. Edai ingeniaritza ixteko prozesua hasi dutela ere esan du sindikatuak, aipatutako sei langileak kaleratuta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
