Bi futbol talde berri sortuko dira datorren denboraldirako Amurrion: Aiaraberri eta Bazkideak. Pasa den denboraldian Amurrio Kluben ari ziren hainbat jokalariz osatuak egongo dira. Hasierako asmoa talde bakarra sortzea zela adierazi du Jon Urtaran kideak, baina, kategoria baxuenean jokatu beharreko baldintzek bi taldetan banatzera bultzatu dituzte, bakoitzeko 15 kideko gehienezko mugapena baitago.
Jokalari gehienak, hortaz, amurrioarrak eta urduñarrak izango direla gehitu du Urtaranek, baina eskualdeko beste tokietako jokalariak ere arituko dira Aiaraberrin eta Bazkideetan. Kontuan hartu berra dago bi taldeek bat balira bezala funtzionatuko dutela, lehiaketan izan ezik: Entrenamenduak, gastuak, babesleak eta materiala konpartituko dituzte, Urtaranek zehaztu duenez.
Haien helburua “bi edo hiru urteko epean” mailaz igotzea da, EAEko ligara heldu arte. Biak batera igotzea posiblea ez bada, entitateen arteko fusioa pentsatuko luketela esan du jokalariak, A eta B taldeen egitura emanda.
Partidak eta entrenamenduak Amurrioko futbol zelaian jokatuko dituzte, udalarekin eta kiroldegiarekin batera koordinatuta. Azken egunetan, esaterako, taldeak erabiliko dituen kamisetak jarri dituzte salgai, harrera onarekin. Haiekin kontaktuan jarri nahi izatekotan, hauek dira emailak: aiaraberri@gmail.com eta bazkideakaft@gmail.com.