Amurrioko Udalak udalerriko ondarearen mapa sortu du, eta herritar guztien esku jarriko dute. Ikasgeletara ere eramango dute, Eskolako Agenda 2030ean lantzeko. Herriko ikastetxeek udalerriko landa eremuko kultura eta ondarea izan dituzte hizpide aurten, bigarrern urtez jarraian.
“Udalerriko inbentarioan eta elementu sailkatuen artean dauden ondasun higiezinak non dauden adierazteaz gain, beste elementu batzuk ere identifikatzen dira mapan”, zehaztu du tokiko erakundeak. Horien artean, iturriak, errotak, ikaztegiak, espazio babestuak, errekak edota hezeguneak topatu daitezke.
Mapa horren sorrera ikastetxeetarako Agenda 2030n dago programatuta, “ingurumenarekin erlazionatutako arazoak bideratzeko ezagutzak, jarrerak eta konpromisoak” garatzeko helburu nagusiarekin. Guztira, herriko lehen eta bigarren hezkuntzako 1.300 ikasle daude programaren barruan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
