EAJren gobernu taldearen gestioa kritikatu du Amurrioko EH Bilduk, “talde guztiei ideiak eta proposamenak aurkezteko aukera” eman beharko zitzaiela argudiatuta. Ohar batean adierazi dutenez, martxoaren 13an eskatu zuten lehenbiziko aldiz COVID-19ak sortutako krisiari aurre egiteko akordiorako mahai baten sortzea, baina aste honetara arte ez dute alkatetzatik erantzunik jaso.
Hortaz, “erabaki guztiak alde bakartasunez” hartu izana leporatu dio EAJri Iñaki Ibarluzea bozeramaileak. Era berean, udal gobernutik hartutako erabaki batzuen berri sare sozialen bidez izan dutela gehitu dute opozisioko taldeko kideek. Azkenik, amurrioarren ongizatearen alde lanean arituko direla adierazi dute: “Herritarren alde lan egiten jarraituko dugu, hori izan da beti gure konpromisoa eta hala izaten jarraituko du”.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
