11:00etan ekin diote ekainaren 14rako iragarrita zegoen 2020ko Araba Euskaraz jaiko ospakizunari. Alabaina, "ospatzeko ekitaldia" prestatu dute, eta ikastolaren ibilbide zein erronka berriei erreparatu diete. ""Ekainaren 14ko ospakizuna urriaren 18ra Darabagu", adierazi dute.
Segurtasun eta osasun irizpideak bermatzeko, aforo mugatua izan du deialdiak. Hargatik, Youtubeko kanalean zuzeneko emisioa egin dute. Besteak beste, Porrotxek, Koldo Tellitu Ikastolen Elkarteko lehendakariak eta abestiarein sortzaileek hartu dute hitza.
Ikus-entzunezkoz eta istorioz osatutako emanaldia izan da. Eneko Alday ikuskizun lantaldeko kidearen hitzetan, "ospatzea" izan da helburua. Amurrioko kirolariak, dantzariak eta musikariak izan dituzte bidelagun; kolaborazio ugariko ekitaldia izan baita.
Urriaren 18an izango da hurrengo zita nagusia, egun horretan izango baita Araba Euskaraz jaia Amurrion bertan
Horrez gain, Ikastolako komunitateak ere izan du protagonismoa. Hala, guraso zein hastapenetako belaunaldiek, Sabin Guaresti abestiko kolaboratzaile eta ikasle ohiak eta beste zenbait lagunek hartu dute parte. Modu horretan, ikuspegi eta ekarpen ezberdinetatik heldu diote Aresketa ikastetxeak eskuartean duen erronkari.
Urriaren 18an izango dute hurrengo zita nagusia, egun horretan izango baita Araba Euskaraz jaia. Bien bitartean, ekimenekin jarraitzeko asmoa dute, "Bazen behin Darabagun..." dinamikarekin bezala. Informazio guztia Araba Euskarazeko webgunean eta sare sozialetan zabalduko dute.
Argazkiak: Aresketa Ikastola eta Naiara Barallobre