Muturreko tenperaturei aurre eginda bukatu du Spiderabelek elkartasun maratoia

Ataxia-telangiektasia gaixotasuna ikertzeko dirua biltzeko asmoz, maratoia egin du gaur Abel Fernandez "Spiderabelek". Bero handia pairatu du ibilbidean eta hunkituta heldu da amaierara.

Gaur 08:00etan Oinkariak taldeak eta Spiderabelek elkartasun erronka prestatzeari ekin dioteAmurrioko Juan Urruti plazan eta handik abiatu dute maratoia 08:30ean.

Hainbat laguntzailerekin eta Babes Zibilarekin, Spiderabelek 42 kilometroko ibilbidea bete du 13:00ak arte. Tenperatura oso altuak topatu ditu bidean eta Oinkariak taldeko zenbait kide batu zaizkio azken kilometrotan.

Aiarako zenbait herri zeharkatu ostean, Amurrioko herrigunera jo du lasterkariak eta herritarren txaloak ez ezik, AEFAT elkarteko kideen zein ume gaixo batzuen babesa ere izan du. Izan ere, ekimenarekin batuko den diru guztia ataxia-telangiektasia gaitza ikertzera bideratuko da.

13:00ak aldera bukatu du Abel Fernandezek lasterketa. Lagun ugari zituen itxaroten plazan eta kirolaria hunkituta zegoen amaieran. Jendearen laguntza eskertu du, ezinbestekotzat jo baitu erronka burutzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide