LAN ESKAINTZAK

Bihar amaituko da Amurrioko Udalaren enplegu planean izena emateko epea

Lanbideren Amurrioko bulegoan eman daiteke izena. / Aiaraldea.eus

13 pertsona kontratatuko dituzte guztira: 10 lorezaintza-laguntzaile eta 3 herri-laguntzaile.

Bihar -uztailak 10, ostirala- amaituko da Amurrioko Udalak Sartu Arabarekin sinatutako akordiotik eratorritako lan eskaintzan izena emateko epea. 13 pertsona kontratatu nahi dituzte guztira. Horietako hamarrek lorezaintza-laguntzaile funtzioa beteko dute. Beste hirurak, aldiz, “herri-laguntzaile” gisa arituko dira. 

Hainbat baldintza bete beharko dira: Amurrion gutxienez lau urteko egotea erroldatuta eta Lanbiden langabetu gisa agertzea, besteak beste. Lorezaintza ezagutzak izatea ere positiboki baloratuko da alor horretako lanpostuen hautaketa prozesuan. Herri-laguntzaileen kasuan, berriz, beharrezkoa izango da euskara maila nahikoa izatea herritarrekin komunikatzeko. Hemen ikusi daitezke baldintza eta eskakizun guztiak. 

Lanbideren webgunean edo erakunde horrek Amurrion duen bulegoan eman beharko da izena. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide