"Euskaraz jaioberriei oparitzeko ez genuenez ezer topatzen, 'Sorpresa opariak' sortzea erabaki genuen"

Iraia Aspuru eta Laura Saratxaga dira proiektuaren sortzaileak.

Iraia Aspuru eta Laura Saratxaga dira, "Sorpresa opariak" markaren sortzaileak. Egitasmoaren sorrera eta bilakaera kontatu dituzte, besteak beste.

2.000 jarraitzaile lortu dituzte denbora gutxian Adigrafik enpresako Iraia Aspuru eta Laura Saratxagak. Diseinatzaile grafikoak dira, eta "Sorpresa opariak" proiektua sortu dute. Duela 2 urte abiatu zuten egitasmoa: "Lagunentzat egiten genituen diseinuak Facebookera igotzen hasi ginen, baina garrantzia handirik eman gabe. Iazko maiatzean sorpresa galanta hartu genuen, Euskal Herri osotik irakasleentzat eskari mordoa heldu zitzaizkigunean. Orduan konturatu ginen poriektuak irteera eduki zezakeela".

Umeen jaiotzak dituzte protagonista nagusi, hein batean: "Ideia gure lagunek haurrak edukitzen hasi zirenean sortu zitzaigun. Ez genuen euskaraz ezer topatzen, eta guk sortzea erabaki genuen".

"Ideia gure lagunek haurrak edukitzen hasi zirenean sortu zitzaigun. Ez genuen euskaraz ezer topatzen, eta guk sortzea erabaki genuen"  

Euskararen aldeko apustua egin dute: "Sorpresa hitzak maitemindu gintuen. Gehienetan euskal hiztunek erosten dute, baina askotan erdaldunek euskarazko produktuak nahi dituzte. Jendeak "super aitite kikara" nahi izaten du, adinduen artean euskara hemen asko erabiltzen ez den arren ez luke zentzurik izango "super abuelo" oparitzea aititeri".

"Harrera oso ona"

Katiluak, poltsak, jaiotza txartel edo hatz-marka koadroak eta abar diseinatu dituzte. Iraia Aspururen esanetan, oso harrera ona izan du proiektuak. Garaiaren arabera eskaera izarrak aldatzen dira, hala ere: "Normalean hainbat diseinutako kikarak dira salduenak, baina ikasturtea amaitzean irakasleentzat poltsak  eta kikarak berdin-berdin saltzen dira. Aurten, gainera, 'Amaren eguna' konfinatuta pasa dugu, eta 'super amatxu' eta 'amatxu zoragarria zara' kikarak asko saldu ditugu".

"Sorpresa opariak" ezizenarekin topatu daiteke euren informazioa eta ekoizpena Facebooken eta Instagramen: "Konfinamenduan Instagrami egurra ematen hasi ginen, eta hor ikusi dugu benetako gorakada. Azken hilabeteetan inoiz baino gehiago saldu dugu".

Aurrera begira, euskarri berriak probatu nahi dituzte: "Hilero ateratzen dugu diseinu berriren bat, data finkorik ez badugu ere. Egunero ari gara gure makinekin estanpatu daitezkeen produktu berrien bila, eta badugu baten bat buruan. Laster, adibidez, koadernoak prestatuko ditugu".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide